Rusia kryen sulme në Kharkiv, Zelensky njofton për marrjen në kontroll të disa zonave

18:23 | 25 Maj 2024
E.G

Sulmet e sotme të Rusisë në rajonin ukrainas të Kharkivit vranë një person dhe plagosën katër të tjerë, tha guvernatori i rajonit, Oleh Syniehubov.

Gjatë fjalimit të tij të premten, Presidenti i Ukrainës, Volodymyr Zelenskiy tha se forcat ukrainase kishin rimarrë zonat pranë territorit ku patën hyrë forcat ruse gjatë sulmit të papritur në këtë rajon.

Ndërkohë, agjencia e lajmeve ruse Interfax citoi ministrin e Mbrojtjes së Rusisë të deklaronte se trupat e Moskës kanë marrë nën kontroll zonën Arkhanhelske, në rajonin lindor të Ukrainës, Donetsk.

Po ashtu, sipas ministrisë ruse të Mbrojtjes, forcat ruse po përparojnë në rajonin Kharkiv, pasi kanë zmbrapsur dy kundërsulme të forcave ukrainase./voa/

Shpërndaje në rrjete sociale

Lajmet më të lexuara

Të ngjashme

Foto lajm